സോഷ്യൽ മീഡിയയിലൂടെ സജീവമായ താരമാണ് ലിന്റു റോണി.മിനി സ്ക്രീനിലും ഒരു കാലത്ത് സജീവമായിരുന്നു താരം.ഇപ്പോൾ കുഞ്ഞതിഥിയെ വരവേല്‍ക്കാനുള്ള തയ്യാറെടുപ്പിലാണ് ലിന്റു റോണി. അഭിനയത്തില്‍ സജീവമല്ലെങ്കിലും വ്‌ളോഗിലൂടെയായി തന്റെ വിശേഷങ്ങളെല്ലാം താരം പങ്കിടാറുണ്ട്. വിവാഹ ശേഷമായി യുകെയിലേക്ക് ചേക്കേറുകയായിരുന്നു ലിന്റുവും റോണിയും. യുകെയിലെ ജോലി സാധ്യതകളെക്കുറിച്ചും കോഴ്‌സുകളെക്കുറിച്ചുമെല്ലാം പറഞ്ഞും ലിന്റു എത്താറുണ്ട്. യുകെ ലൈസന്‍സ് എടുത്തതിനെക്കുറിച്ചും ഭര്‍ത്താവിന്റെ കാറിന് അപ്രതീക്ഷിതമായി ഫൈന്‍ കിട്ടിയതിനെക്കുറിച്ച് പറഞ്ഞും ലിന്റു എത്തിയിരുന്നു.ഇന്‍ഷുറന്‍സിന്റെ പ്രശ്‌നം കാരണമാണ് പോലീസ് നമ്മുടെ വണ്ടി എടുത്ത് പോയത്. ഒരാഴ്ചയോളം വണ്ടി പോലീസ് സ്‌റ്റേഷനിലായിരുന്നു. വൈ എന്നുള്ളത് വി എന്നായിരുന്നു പേപ്പറിലുണ്ടായിരുന്നത്. ഇങ്ങനെയൊരു എറര്‍ വരുമെന്ന് പ്രതീക്ഷിച്ചില്ല. ഇന്‍ഷുറന്‍സില്‍ വി എന്നാണ് കൊടുത്തിട്ടുള്ളത്. അതേപോലെ വണ്ടിയുടെ കളര്‍ ബ്ലാക്ക് എന്നുമാണ് കൊടുത്തിട്ടുള്ളത്. എന്തോ വലിയ അപകടം സംഭവിക്കേണ്ടതായിരുന്നു.
മറ്റൊന്ന് താരം പറഞ്ഞത് ഇതാണ്,നമ്മളൊരു വണ്ടി എടുക്കുന്ന സമയത്ത് വണ്ടിയിലേയും ഇന്‍ഷുറന്‍സ് പേപ്പറിലേയും നമ്പര്‍ ഒത്തുനോക്കണം. ലൈസന്‍സ് എപ്പോഴും കൈയ്യില്‍ കൊണ്ടുനടക്കുന്നതില്‍ തെറ്റില്ല. ഫോണില്‍ മാത്രം ഉണ്ടായിട്ട് കാര്യമില്ല. ഇന്‍ഷുറന്‍സ്, തിരിച്ചറിയല്‍ കാര്‍ഡുകളൊക്കെ കൊണ്ടുനടക്കുന്നത് നല്ലതാണ്. പോലീസുകാര്‍ വണ്ടി അങ്ങോട്ടേക്ക് മാറ്റാന്‍ പറഞ്ഞാല്‍ കൊണ്ടുപോവുക. അല്ലാതെ അവരോട് തര്‍ക്കിക്കാന്‍ നിന്നിട്ട് കാര്യമില്ല. ഞങ്ങള്‍ക്ക് രണ്ട് പേര്‍ക്കും സമയമില്ലായിരുന്നു പോയി എടുക്കാന്‍. അങ്ങനെയാണ് ഒരാഴ്ചത്തെ പിഴ അടക്കേണ്ടി വന്നത്.
ഇങ്ങനെയൊരു അനുഭവം വന്നപ്പോള്‍ നിങ്ങളോട് പറഞ്ഞതാണ്. എപ്പോഴും ഹാപ്പിയാണല്ലോ എന്ന് എല്ലാവരും ചോദിക്കാറുണ്ട്. എപ്പോഴും ഹാപ്പിയൊന്നുമല്ല, ഇങ്ങനെയുള്ള അനുഭവങ്ങളിലൂടെയും കടന്ന് പോയിട്ടുണ്ട്. ഇനി എന്ത് മേടിക്കുകയാണെങ്കിലും ഇങ്ങനെയുള്ള കാര്യങ്ങളെല്ലാം ശ്രദ്ധിക്കും. വണ്ടിയുടെ കാര്യങ്ങള്‍ ചോദിച്ചതില്‍ സന്തോഷം. എല്ലാവരുടെയും പ്രാര്‍ത്ഥന കൂടെയുണ്ടെന്നറിയാം.നാട്ടിലെ ലൈസന്‍സുണ്ടെങ്കില്‍ ഒരുവര്‍ഷം നമുക്ക് ഇവിടെ വണ്ടിയോടിക്കാം. ഞാന്‍ ഇവിടെ വന്നിട്ട് 8 വര്‍ഷമായി. കല്യാണത്തിന് മുന്‍പ് ഞാന്‍ ഇവിടെ വന്നിരുന്നു. അന്ന് ഡ്രൈവ് ചെയ്തിരുന്നു. പിന്നെ വന്നപ്പോള്‍ ലൈസന്‍സ് എടുക്കാനായി ശ്രമിച്ചു. യാത്രകള്‍ പോവാന്‍ എനിക്കൊരുപാട് ഇഷ്ടമാണ്. നമ്മളുടെ നാട്ടില്‍ ഓടിക്കുന്നത് പോലെയല്ല ഇവിടെ ഓടിക്കേണ്ടത്. നിങ്ങള്‍ നല്ലൊരു ഡ്രൈവറല്ല എന്ന് എനിക്ക് ക്ലാസെടുത്ത ആള്‍ പറഞ്ഞിരുന്നു. 22 ക്ലാസില്‍ ഞാന്‍ പങ്കെടുത്തിരുന്നു.ഇതുവരെ പ്രശ്‌നങ്ങളൊന്നുമുണ്ടായിട്ടില്ല. ഒരിക്കല്‍ ഫൈന്‍ വന്നിരുന്നു. ഏതോ കോള്‍ വന്ന് മൈന്‍ഡ് ബ്ലാങ്കായിരുന്നു. അങ്ങനെ റെഡ് സിഗ്നല്‍ ക്ലോസ് ചെയ്തുപോയി. വേറെ വണ്ടിയൊന്നും ഇല്ലാത്തതിനാല്‍ അപകടമില്ലാതെ രക്ഷപ്പെട്ടു. ഇപ്പോള്‍ ഇവിടെ ലൈസന്‍സ് കിട്ടാന്‍ പാടാണ്. നിങ്ങള്‍ വണ്ടിയെടുക്കാന്‍ ഉദ്ദേശിക്കുന്നുണ്ടെങ്കില്‍ ആദ്യത്തെ സമയം തന്നെ ലൈസന്‍സിന് ശ്രമിക്കുക.
