HomeFilm News"എന്നോടുള്ള കുശുമ്പും പുച്ഛവുമാണ് നെഗറ്റീവ് റിവ്യൂസിൽ, നെഗറ്റീവ് എഴുതുന്നവർക്ക് പ്രത്യേക നന്ദി" അൽഫോൻസ് പുത്രൻ

“എന്നോടുള്ള കുശുമ്പും പുച്ഛവുമാണ് നെഗറ്റീവ് റിവ്യൂസിൽ, നെഗറ്റീവ് എഴുതുന്നവർക്ക് പ്രത്യേക നന്ദി” അൽഫോൻസ് പുത്രൻ

മലയാളി പ്രേക്ഷകർ ഏറെ പ്രതീക്ഷകളോടെ റിലീസിനായി കാത്തിരുന്ന ചിത്രമാണ് ഗോൾഡ്. 7 വർഷങ്ങൾക്ക് ശേഷം അൽഫോൻസ് പുത്രൻ പുതിയ ചിത്രമുമായി രംഗപ്രവേശം ചെയ്യുമ്പോൾ സിനിമാ ആസ്വാദകരുടെ പ്രതീക്ഷകൾ ചെറുതായിരുന്നില്ല. സമ്മിശ്രമയ അഭിപ്രായങ്ങളാണ് ചിത്രത്തെ കുറിച്ച് ലഭിക്കുന്നത്.

ഇപ്പോഴിതാ ചിത്രത്തിനെതിരെ വരുന്ന വിമർശനങ്ങളിൽ പ്രതികരിച്ച് രംഗത്ത് വന്നിരിക്കുകയാണ് അൽഫോൻസ് പുത്രൻ. തന്നോടുള്ള കുശുമ്പും പുച്ഛവുമാണ് നെഗറ്റീവ് അഭിപ്രായങ്ങളിൽ കാണുന്നതെന്ന് അൽഫോൻസ് പുത്രൻ പറയുന്നു.

അൽഫോൻസിന്റെ വാക്കുകൾ

ഗോൾഡിനെ കുറിച്ചുള്ള നെഗറ്റീവ് റിവ്യൂസ് എല്ലാരും കാണണം. കൊറേ കുശുമ്പും, പുച്ഛവും, തേപ്പും എല്ലാം എന്നെ കുറിച്ചും എന്റെ സിനിമയെ കുറിച്ച് കേൾക്കാം. അത് കേൾക്കുമ്പോൾ കിട്ടുന്ന ഒരു സുഖം ഉണ്ടല്ലോ. എന്റെ പ്രത്യേക നന്ദി നെഗറ്റീവ് റിവ്യൂസ് എഴുതന്നവർക്കു.

ചായ കൊള്ളൂല്ല എന്ന് പെട്ടെന്ന് പറയാം !!! കടുപ്പം കൂടിയോ കുറഞ്ഞോ ? വെള്ളം കൂടിയോ കുറഞ്ഞോ ? പാല് കൂടിയോ കുറഞ്ഞോ ? പാല് കേടായോ , കരിഞ്ഞോ ? മധുരം കൂടി, മധുരം കുറഞ്ഞു. എന്ന് പറഞ്ഞാൽ ചായ ഇണ്ടാക്കുന്ന ആൾക്ക് അടുത്ത ചായ ഇണ്ടാക്കുമ്പോൾ ഉപകരിക്കും. അയ്യേ ഊള ചായ, വൃത്തിക്കെട്ട ചായ, വായേല് വെക്കാൻ കൊള്ളാത്ത ചായ എന്ന് പറഞ്ഞ. നിങ്ങളുടെ ഈഗോ വിജയിക്കും. ഇതുകൊണ്ടു രണ്ടു പേർക്കും ഉപയോഗം ഇല്ല.

നേരം 2 , പ്രേമം 2 എന്നല്ല ഞാൻ ഈ സിനിമയ്ക്കു പേരിട്ടത്. ഗോൾഡ് എന്നാണു. ഞാനും , ഈ സിനിമയിൽ പ്രവർത്തിച്ച ആരും നിങ്ങളെ വെറുപ്പിക്കാനോ, ഉപദ്രവിക്കാനോ, നിങ്ങളുടെ വിലപ്പെട്ട സമയം കളയണോ. ചെയ്തതല്ല ഈ സിനിമ. ഇനിയും എന്നെയും എന്റെ ടീമിനെയും സംശയിക്കരുത്.

NOTE * ഗോൾഡ് അങ്ങനെ എടുക്കാമായിരുന്നു. ഇങ്ങനെ എടുക്കാമായിരുന്നു എന്ന് പറയരുത് . കാരണം. ഞാനും ഗോൾഡ് എന്ന സിനിമ ആദ്യമായിട്ടാണ് എടുക്കുന്നത്. നേരത്തെ ഗോൾഡ് ചെയ്തു ശീലം ഉണ്ടെങ്കിൽ നിങ്ങൾ പറയുന്നത് ശെരിയാണ്. എന്ന് നിങ്ങളുടെ സ്വന്തം അൽഫോൻസ് പുത്രൻ.

RELATED ARTICLES

Most Popular

Recent Comments