HomeFilm News18 വര്‍ഷത്തെ ദാമ്പത്യം അവസാനിപ്പിച്ചു, നടന്‍ ധനുഷും ഭാര്യ ഐശ്വര്യയും വേര്‍പിരിഞ്ഞു; ഞെട്ടലില്‍ ആരാധകര്‍,കാരണം തിരഞ്ഞ്...

18 വര്‍ഷത്തെ ദാമ്പത്യം അവസാനിപ്പിച്ചു, നടന്‍ ധനുഷും ഭാര്യ ഐശ്വര്യയും വേര്‍പിരിഞ്ഞു; ഞെട്ടലില്‍ ആരാധകര്‍,കാരണം തിരഞ്ഞ് സോഷ്യല്‍ മീഡിയ

തമിഴ് സൂപ്പര്‍താരം ധനുഷും ഭാര്യയും സംവിധായകയുമായ ഐശ്വര്യയും വേര്‍പിരിയുന്നു. 18 വര്‍ഷത്തെ ദാമ്പത്യ ബന്ധം ഉപേക്ഷിക്കുന്ന വിവരം സോഷ്യല്‍ മീഡിയയിലൂടെ പുറത്തിറക്കിയ പ്രസ്താവനയിലാണ് ഇരുവരും അറിയിച്ചത്.

സുഹൃത്തുക്കളും പങ്കാളികളുമായി 18 വര്‍ഷത്തെ ഒരുമിച്ചുനില്‍ക്കല്‍, മാതാപിതാക്കളായും പരസ്പരമുള്ള അഭ്യുദയകാംക്ഷികളായും. വളര്‍ച്ചയുടെയും മനസിലാക്കലിന്റെയും ക്രമപ്പെടുത്തലിന്റെയും ഒത്തുപോവലിന്റെയുമൊക്കെ യാത്രയായിരുന്നു ഇത്. ഞങ്ങളുടെ വഴികള്‍ പിരിയുന്ന ഒരിടത്താണ് ഇന്ന് ഞങ്ങള്‍ നില്‍ക്കുന്നത്.

പങ്കാളികള്‍ എന്ന നിലയില്‍ വേര്‍പിരിയുന്നതിനും വ്യക്തികള്‍ എന്ന നിലയില്‍ ഞങ്ങളുടെ തന്നെ നന്മയ്ക്ക് സ്വയം മനസിലാക്കുന്നതിന് സമയം കണ്ടെത്താനും ഐശ്വര്യയും ഞാനും തീരുമാനിച്ചിരിക്കുന്നു. ഞങ്ങളുടെ തീരുമാനത്തെ ദയവായി ബഹുമാനിക്കൂ. ഇതിനെ കൈകാര്യം ചെയ്യാന്‍ അവശ്യം വേണ്ട സ്വകാര്യത ഞങ്ങള്‍ക്ക് നല്‍കൂ

വളര്‍ച്ചയുടെയും മനസിലാക്കലിന്റെയും യാത്രയായിരുന്നു ഇതെന്നും ഇപ്പോള്‍ തങ്ങള്‍ ഇരുവരുടെയും വഴികള്‍ പിരിയുന്ന സമയമാണെന്നും ധനുഷിന്റെയും ഐശ്വര്യയുടെയും കുറിപ്പില്‍ പറയുന്നു.

ഇരുവരുടെയും വെളിപ്പെടുത്തല്‍ കേട്ട് ഞെട്ടിയിരിക്കുകയാണ് ആരാധകര്‍. ഇവര്‍ തമ്മില്‍ പ്രശ്‌നങ്ങള്‍ ഉള്ളതായി ഇതുവരെ റിപ്പോര്‍ട്ടുകള്‍ വന്നിരുന്നില്ല. അതുകൊണ്ട് തന്നെ പ്രിയതാരങ്ങളുടെ വിവാഹ മോചന വാര്‍ത്ത ഞെട്ടലാണ് ആരാധകര്‍ക്ക് ഉണ്ടാക്കിയിരിക്കുന്നത്.

2004 നവംബര്‍ 18നായിരുന്നു ഇരുവരുടെയും വിവാഹം. യത്ര, ലിംഗ എന്നീ പേരുകളുള്ള രണ്ട് ആണ്മക്കളുണ്ട്. രജനീകാന്തിന്റെ മൂത്ത മകളായ ഐശ്വര്യ ഒരു പിന്നണി ഗായികയായാണ് സിനിമാ രംഗത്തേക്ക് എത്തുന്നത്. ദേവയുടെ സംഗീതത്തില്‍ രമണാ എന്ന ചിത്രത്തിനുവേണ്ടി 2000ല്‍ പാടിയെങ്കിലും ഈ ചിത്രം റിലീസ് ചെയ്യപ്പെട്ടില്ല.

2003ല്‍ പുറത്തിറങ്ങിയ ‘വിസില്‍’ എന്ന ചിത്രമാണ് ഐശ്വര്യയുടെ ആലാപനത്തോടെ ആദ്യമായി പുറത്തെത്തിയത്. ധനുഷിനെ നായകനാക്കി 2012ല്‍ പുറത്തെത്തിയ ‘3’ എന്ന ചിത്രത്തിലൂടെ സംവിധായികയായും ഐശ്വര്യ അരങ്ങേറി.

RELATED ARTICLES
- Advertisment -

Most Popular

Recent Comments