പ്രേക്ഷകര്‍ക്ക് ഏറെ സുപരിചിതയായ താരമാണ് മുത്തുമണി. നിരവധി മലയാള ചിത്രങ്ങളുടെ ഭാഗമായ മുത്തുമണി ഏറെ ജനപ്രീതി നേടിയ താരം കൂടിയാണ്. ഇപ്പോള്‍ മുത്തുമണിക്കൊപ്പമുള്ള ചിത്രം പങ്കുവെച്ച് രംഗത്തെത്തിയിരിക്കുകയാണ് സംവിധായകന്‍ പി ആര്‍ അരുണ്‍. താന്‍ അച്ഛനാകാന്‍ പോകുന്നുവെന്ന സന്തോം പങ്കുവെക്കാനാണ് അരുണ്‍ നിറവയറോടെ നില്‍ക്കുന്ന മുത്തുമണിയുടെ ചിത്രം പങ്കുവെച്ചത്.
2006ലാണ് സംവിധായകനായ അരുണ്‍ മുത്തുമണിയെ വിവാഹം കഴിക്കുന്നത്. അവതാരകയില്‍ നിന്നാണ് മുത്തുമണി അഭിനേത്രിയാവുന്നത്. പ്രൊഫഷണലി താരം ഒരു അഭിഭാഷകയാണ്. സത്യന്‍ അന്തിക്കാടിന്റെ രസതന്ത്രം എന്ന ചിത്രത്തിലൂടെയാണ് മുത്തുമണി സിനിമയിലേക്കെത്തുന്നത്. പിന്നീട് നിരവധി ചിത്രങ്ങളില്‍ താരം വേഷമിട്ടു.
